ຄວາມສາມັກຄີ ຄືພະລັງອັນແຮງກ້າຖ້າຈະເຮັດສິ່ງໃດຂໍພຽງມີໃຈໄປລວງດຽວກັນຊວ້ານຊູຊ່ວຍເຫຼືອກັນກໍ່ຍ່ອມບໍ່ແມ່ນເລື່ອງຍາກ ຄືປະຊາຊົນບ້ານມົກຄະກາງ ລວມພະລັງທະລຸເສັ້ນທາງເຂົ້າຫາເຂດການຜະລິດ ນີ້ຖືເປັນການອອກແຮງງານລວມໝູ່ທີ່ໜ້າຊື່ນຊົມຫຼາຍ.

ເພື່ອສ້າງຄວາມສະດວກສະບາຍໃຫ້ແກ່ພໍ່ແມ່ປະຊາຊົນ ໃນການທຽວໄປ-ມາ ຫາເຂດທໍາການຜະລິດ ໃນວັນທີ 2 ກຸມພາຜ່ານມານີ້. ພະນັກງານກໍ່ສ້າງຮາກຖານການເມືອງປະຈໍາກຸ່ມພູວຽງໄຊ ນໍາໂດຍທ່ານ ຫຸມພັນ ຈັນທະວົງ ພ້ອມດ້ວຍຄະນະ ພັກຮາກຖານ, ອົງການປົກຄອງບ້ານ ແລະ ປະຊາຊົນພາຍໃນບ້ານ ມົກຄະກາງ ໄດ້ພ້ອມກັນສ້າງຂະບວນການອອກແຮງງານລວມ.

ການອອກແຮງງານລວມຄັ້ງນີ້ ຄະນະຮັບຜິດຊອບ ໄດ້ນໍາພາພໍ່ແມ່ປະຊາຊົນບຸກເບີກທາງ, ຂຸດທາງໄປຫາເຂດທໍາການຜະລິດທີ່ຂຶ້ນກັບຂອບເຂດຄວາມຮັບຜິດຊອບຂອງບ້ານ ໃນນີ້ ປະຊາຊົນໄດ້ພ້ອມກັນຖາງແລວທາງ, ຂຸດທາງ ເຊິ່ງເສັ້ນທາງດັ່ງກ່າວກວ້າງ 2,30 ແມັດ, ໄລຍະທາງຍາວ 8,5 ກິໂລແມັດ ເປັນທາງດິນແດງ ແລະ ສາມາດທຽວໄດ້ລະດູດຽວ.

ເສັ້ນທາງດັ່ງກ່າວໄດ້ເລີ່ມລົງມືບຸກເບີກມາແຕ່ວັນທີ 2 ມັງກອນ – 2 ກຸມພາ 2022 ແມ່ນໄດ້ສໍາເລັດ 100% ມີແຮງງານທັງໝົດ 2.980 ຄົນທັ້ງນີ້ເພື່ອແກ້ໄຂຄວາມຫຍຸ້ງຍາກຂອງປະຊາຊົນໃນການທຽວໄປທໍາການຜະລິດກະສິກໍາ ແລະ ລ້ຽງສັດ ພ້ອມທັງ ເປັນການສ້າງຂະບວນການ ເພື່ອຂໍ່ານັບຮັບຕ້ອນກອງປະຊຸມກາງສະໄໝຂອງອົງຄະນະພັກ ເມືອງ ຜາອຸດົມ ຄັ້ງທີ່ XII ທີ່ຈະໄດ້ໄຂຂຶ້ນໃນມໍ່ໆນີ້.

Make Money says:
Your comment is awaiting moderation. This is a preview; your comment will be visible after it has been approved.
See how you can earn $27 in 7 minutes! Read here – https://bit.ly/32NSumo